60 азæй фылдæр кæуыл цæуы, уыцы ахуыргæнджытимæ рæстæгмæ куыстой Цæгат Ирыстоны педагогон институты

Ацæргæ ахуыргæнджыты æнæниздзинад бахъахъхъæнын. Уый хыгъд, скъолаты ахуырадон фæтк ма фæкъуылымпы кæнын. Уый фæдыл Цæгат Ирыстоны ахуырад æмæ наукæйы министрад бацæттæ кодта сæрмагонд проект «Учитель на замену», зæгъгæ. Йæ сæйраг нысан у, 60 азæй фылдæр кæуыл цæуы, уыцы ахуыргæнджытæн рæстæгмæ педагогон институты студентты æххуысмæ рарвитын. Сæ архайд нымад уыдзæн педагогон практикæйыл. Ахæм фадат ис, студенттæй хуыздæр бæрæггæнæнтæ кæмæн ис, æрмæст уыдонæн. Сæ иу Александра Радчинская. Проекты фæлгæты æххуыс кодта Хуымæллæджы скъолайы уырыссаг æвзаджы ахуыргæнæгæн. Ног фæлтæрддзинад æм цы 'нкъарæнтæ сæвзæрын кодта, уыдон раргом кодта ме 'мкусджытæн. Уырыссаг æвзаджы урок 8-æм къласы. Скъоладзаутæн сæ ахуыргæнæг видеобастдзинады руаджы амоны ног æрмæг. 60 азæй фылдæр ыл кæй цæуы, уый тыххæй кусы фæсаууонмæ. Æххуыс та йын кæны Цæгат Ирыстоны педагогон институты студенткæ Александра Радчинская. Æрыгон чызгæн йæ фидæны дæсныйады фæлтæрддзинад райсыны фадат фæзынд проект «Учитель на замену»-йы фæрцы. Хуымæллæджы скъолайы директор æм телефонæй куы 'рбадзырдта, уæд, йæ ныхæстæм гæсгæ, тынг бацин кодта. Æмæ кæд ахуыргæнæг ног æрмæг онлайн хуызы йæхæдæг амоны, уæддæр урокæн хъæугæ фæтк снысан кæнын у Александрæйы хæс. Йæ хистæр æмкусджытæ дзы разы сты. Иумæйагæй фæнысан кодтой, сабиты уайтагъд кæй сцымыдис кæны ног зонындзинæдтæм. Ныр ахуыры фæстæ йæ бон у æрбаздæхын Хуымæллæджы скъоламæ, уырыссаг æвзаджы ахуыргæнæгæй кусынмæ. Проект æххæст кодтой ноябры кæронмæ. Бахъуаджы сахат суинаг ахуыргæнджытæ алкæддæр цæттæ сты хистæр фæлтæрæн се ’ххуысы къух бадарынмæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv