Тæмисчъы реабилитацион центры сывæллæттæн сарæзтой спортивон ерыстæ

Тæмисчъы реабилитацион центры сывæллæттæн сарæзтой спортивон ерыстæ. Турнир уыд парти «Иугонд Уæрæсе»-йы фæсивæдон гвардийы хъæппæрис. Уæвгæ ахæм фембæлд фыццаг хатт арæзт не рцыд. Сывæллæттæ бирæ ног æнкъарæнтæ райстой. Æхсызгон сын уыд уазæгуаты сæм джиу-джитсуйæ дунеон чемпион Бæцæзаты Руслан кæй æрбацыд, уый. Реабилитацион центр «Тæмисчъы» цы сывæллæттæ ис, уыдонæн рауад æцæг бæрæгбон. Систы ерысты архайджытæ. Сæ арæхстдзинад æвдыстой дугъ кæнынæй æмæ спорты æндæр хуызты. Уæлдай æхсызгон сын уыд уазæгуаты сæм джиу-джитсуйæ дунеон чемпион Бæцæзаты Руслан кæй æрбацыд, уый. Уый сын сарæзта зарядкæйы урок. Бавдыста сын цы спорты хуызы архайы уый сусæгдзинæдтæ. Тæмисчъы ныридæгæн сæ æнæниздзинад хъæддых кæнынц фыццаг къорды сывæллæттæ. Æдæппæтæй 200 адæймаджы. Дзæбæхгæнæн центры сезонмæ уыдзæн æртæ къорды. Дзæбæхгæнæндоны разамонæг Цæгæраты Зæринæ куыд зæгъы афтæмæй абон сæ уазæгыл канд сывæллæттæ нæ, фæлæ ма хъомылгæнинæгтæ дæр цин кæнынц. Ахæм мадзæлттæ сты хъæугæ æмæ ахсджиаг. Сывæллæтты ахуыр кæнын хъæуы æнæниз царды уагыл. Ацы мадзал сарæзтой парти "Иугонд Уæрæсе"-йы фæсивæдон гвардийы  уæнгты хъæппæрисæй. Ахæм хуызы сывæллæттимæ партийы уæнгтæ фембæлдысты фыццаг хатт. Ныфс бавæрдтой дарддæр дæр кæй æмбæлдзысты уый. Бæрæгбоны æрмæст спортивон ерыстæ нæ уыд. Сывæллæттæ ма архайдтой алыхуызон конкурсты дæр. Уыдон уазджытæн бацæттæ котой концертон программæ. Сæ зæрдæ сын барухс кодтой алхуызон кæфтытæй. Æркасты архайджытæн сæ хуыздæрты схорзæх кодтой кады гæххæтытæй æмæ зæрдыл дарæн лæвæрттæй. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv