Инвестицион уавæр

2017-æм азы Цæгат Ирыстон йæ инвестицион уавæр фæхуыздæр кодта. Уæрæсейы регионты хсæн Цæгат Ирыстон 7 къæпхæны уæлдæр схызт. Уый тыххæй фехъусын кодта экономикæйы райрæзты министр Томайты Хъазыбег республикæйы хицауады радон æмбырды. Министр бацæттæ кодта ивгъуыд азы хатдзæгтæ, æмæ фидæны куысты тыххæй зæрдыл æрлæууын кодта. Зæгъæм инвест проектты бæрц дыууæ хатты фæфылдæр. Томайты Хъазыбег куыд бафиппайдта афтæмæй республикæйы райрæзты агентадимæ æмгуыстад цæуы. Ацы аз сбæрæг кодтам инвестортæн ног фæзуæттæ. Æмбырды ма æрныхас кодтой цæрæнуæттæ-коммуналон хæдзарады уавæры тыххæй. Уыцы хъуыддæгтыл бакусынæн радих кодтой 226 милуан сомы. Фæрæзтæ ацæудзысты адæмы кæлæддзаг хæдзæрттæй ногтæм раивыны программæмæ. Ацы аз фæкъаддæр уыдзысты рæвдауæндæттæм радтæ. Уый тыххæй фехъусын кодта ахуырад æмæ наукæйы министр Ирина Азимова. Афтæмæй 2018 азы цыппар ног рæвдауæндоны арæзт æрцæудзæн. Бынæттæ дзы уыдзæн 480 сывæллонæн. Уæлæмхасæн ахуырады фарстатыл дæр куыст дарддæр цæудзæн. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv