Радон дискусситы ныхас уыд логистикæйы тыххæй

Контролон уадзæн пункт «Уæллаг Ларс»-ы, гæнæн ис, æмæ фæзына электронон рад. Уый руаджы фылдæр хæдтулгæтæ арæны сæрты цæудзысты. Хъуыддаджы сырæзтæн арæзт цæуынц æппæт цæттæгæнæн мадзæлттæ. Уый рабæрæг абон 2030-æм азмæ республикæйы рæзты стратегимæ æхсæнадон дисусситы. Фембæлды æрныхас кодтой æппæтадæмон коопераци æмæ логистикæйы тыххæй. Архайджытæ рабæрæг кодтой, цавæр логистикон гæнæнтæ ис республикæйы. Уæлдай ахсджиагыл банымадтой æмбæлгæ уавæртæ саразын Уæрæсейаг продукци фæсарæнтæм уæй кæнынæн. Фæндæгты раз сервис æмæ æмбæлгæ инфраструктурæ та республикæйæн фадат ратдзæн базартæ æмæ куыстуаттæ саразынæн. Дискусситы архайджытæ сбæрæг кодтой хæслæвæрдтæ дæр. Сæ иу у «цъæх къæридор» кæй хонынц, ахæм Фæскавказы бæстæтимæ саразын – Иран æмæ Туркимæ. Ныхас рауад æнтыстджын. Сæ хъуыдытæ загътой амалхъом адæймæгтæ, республикон таможня æмæ профилон уагдæтты минæвæрттæ. Æппæтадæмон коопераци æмæ экспорты хайады сæргълæууæг Акъоты Георгий: «Хъуыддаг ис нæ республикæйы георгафион бынаты. Мах уылты цæуынц дыууæ амалхъомдзинадæн æппæты вазыгджындæр фæндаджы. Махæн уымæй æнæ пайда кæнын нæй. Нæ экономикæйы рæзтæн нæ географион бынат у ахъаз. Уый руаджы хъуамæ куысты бынæттæ дæр аразæм». Уæ зæрдыл уын æрлæууын кæндзыстæм, 2030-æм азмæ республикæйы социалон эконмикон рæзты стратеги дзуры Цæгат ирыстоны ног фадæттыл. Æхсæнад кæсынц стратегийы фыст хицæн къабæзтæм æмæ хæссынц сæ хъæппæристæ. Хæстæгдæр бонты арæзт æрцæудзысты æхсæнадон æркастытæ агропромышленнон æмæ культурæйы къабæзтæм. Дискусситы бацархайыны бар ис алы адæймагæн дæр. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv