Цæгат Кавказы федералон зылды субъектты промышленнон гæнæнты фарстаты фæдыл æрдзырдтой бæстæйы экономикон райрæзты министрады æмбырды. Амыдта йæ бæстæйы дзуапдæттæг министры хæдивæг Сергей Назаров. Æмбырды архайдта республикæйы хицауады сæрдар Дзанайты Барис. Сергей Назаров куыд фехъусын кодта, афтæмæй ведомство иумæйагæй Кавказ.РФ, райрæзты институт æмæ финансон-кредитон куыстуæттимæ иумæ бакусдзæн сæрмагонд куыстадон къорд саразыныл. Уыдон аргъ кæндзысты, Цæгат Кавказы федералон зылды регионты инвестицион рæзт цы куыстуæтты ис, уыдонæн. Къорды архайджыты хыгъд бацæттæ кæнын хъæуы ног мæймӕ. Июны мæйæ та — снысан кæнын субъекттыл балц, цæмæй уыдон æппынкъаддæр аргъ скæной 5 куыстуатæн. Уыдонæн сæ бон уыдзæн паддзахадон æххуысæй спайда кæнын.