Культурæйы республикон колледжы уыд наукон-практикон семинар бæстæзонынадæй

Культурæйы республикон колледжы уыд наукон-практикон семинар бæстæзонынадæй.  Уазæгуаты нæм ссыдысты регионты минæвæрттæ. "Наследие России", зæгъгæ, форумы архайджытæ дзырдтой адæмыхæттыты æгъдæуттæ æмæ æвзаг бахъахъхъæныны  хъуыддæгтыл. Колледжы ахуырдзаутæ бацæттæ кодтой докладтæ. Уый фæстæ æрцæуджытæм лæвæрдтой фæрстытæ. Кадджындæр уазджыты `хсæн уыд журнал "Наследие веков"-ы сæйраг редактор Ирина Горлова. Мадзал аразджыты ныхæстæм гæсгæ, йæ архайджыты нымæц азæй-азмæ кæны фылдæр. Æлбегаты Лариса, культурайы колледжы директор: «Ахæм рæстæг скодта æмæ адæймаг тæрсы, кæй ницыуал хъæуы, ахæм суæвынæй. Йæ уидæгтæ чи нал зоны, ахæмæй. Уый тынг æвзæр хъуыддаг у. Мæнæн тынг æхсызгон у ацы форумы архайджытимæ нæ хъуыдытæ иухуызон кæй сты». _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv