Иппотерапийæ - рынчын сывæллæттæн æххуыс æмæ пайда у

Церебралон параличæй рынчын чи у, ахæм сывæллæттæ Цæгат Ирыстоны 3 минæй фылдæр сты. Цæмæй царды ныфсджындæр къахдзæфтæ кæной, уый тыххæй сын æрвылаз аразынц алыхуызон уавæртæ. Скъолаты, рæвдауæндæтты, дзæбæхгæнæн центры кусынц, сæ реабилитацийæн ахъаз чи уыдзæн, ахæм ног методикæтыл. Не сфæлдыстадон къорд абалц кодта иу ахæм центрмæ. Федта, сывæллæттимæ дзы куыд æмæ цы методикæтæй спайда кæнынц, уыдон. Тимурыл 18 азы цæуы. Кæд йе`нæниздзинад хъыгдард æрцыд, уæддæр йæ къухтæ не`руагъта. Разынд стыр ныфсы хицау, уый нæ фæлæ ма йæ миддунейы хъæздыгдзинад райдыдта аивады алы хуызты æргом кæнын. Райдыдта æмдзæвгæтæ фыссын. Фæнды йæ журналист æмæ фыссæг суæвын. Йæ царды сæйрагдæр бæллиццмæ фыццаг къахдзæф æрæджы скодта – йе`мдзæгæтæ йын газеты ныммыхуыр кодтой. Йе`нæниздзинад хъыгдард кæмæн у, уыцы сывæллæтты реабилитацион центры директор Чеджемты Ноннæ куыд зæгъы, афтæмæй, сæ специалисттæ æппæты фыццаг архайынц сывæллæтты курдиат раргом кæнын. Семæ кусынц афтæ, цæмæй сæхимæ искæмæй цауддæр ма кæсой. Уымæн та æппæты фыццаг хъæуынц хорз методикæтæ. Реабилитацион центры методикæтæй æппæты ахадгæдæр æмæ пайдадæртæй иу у – иппотерапия. Сывæллæтты дзы ахуыр кæнынц бæхыл бадын. Ахæм хуызы сын сæ низ дзæбæх кæнынц. Семæ кусы иппотерапевт, кæнæ та ацы методикæ иттæг хорз чи зоны, ахæм инструктор. Уæдæ бæхтæ дæр хуымæтæг не сты, сæрмагондæй сæ ахуыр кодтой сывæллæты церебралон параличæй рынчынтимæ хи куыд дарын хъæуы, ууыл.  Ис дзы ахæм бæхтæ, æмæ иу æмæ дыууæ адæймагæн нæ баххуыс кодтой, баххуыс сын сты сæ къæхтыл не слæууынæн. Фæнысан ма кæнын хъæуы уый, æмæ ахæм сывæллæттæн иппотерапийы специалисттæй уæлдай æххуыс кæнынц психологтæ дæр. Тимуры зæрдæмæ дæр ацы методикæ тынг цæуы. Центры специалист ын æмбарын кæны методикæйæ куыд раст пайда кæнын хъæуы, уый. Се`нæниздзинад хъыгдард кæмæн у, ахæм сывæллæттæ нæ республикæйы 3000 минæй фылдæр сты. Уыдонæй алкæй дæр хъæуы æмбæлгæ æххуыс. Нæ республикæйы фæллойы æмæ социалон рæзты министрады бæрны цы куыстуат ис, уым æмбарын кæнынц – ахæм æххуыс райсын алкæй бон дæр у. Экспертты хатдзæгтæм гæсгæ, се`нæниздзинад хъыгдард кæмæн у, ахæм сывæллæтты нымæц фылдæр кæны. Хъыгагæн. Фæлæ уæлдай æхсызгон у фæстаг рæстæг сæм уæлдай хъусдард кæй цæуы, уый. Сывæллæттæн стыр æххуыс æмæ пайда сты. Специалисттæ та зæрдæ дарынц реабилитацион мадзæлтты фæрцы сывæллæттæ царды зындзинæдтыл уæндондæр къахдзæфтæ кæй кæндзысты æмæ фæразон кæй уыдзысты, ууыл. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv