Цæгат Ирыстоны историон музейы уыдис Сагамонянц Аннæйы нывты равдыст

Цæгат Ирыстоны историон музейы уыди радон равдыст. Хæххон металлургон институты рауагъдон Аннæ Сагамонянц бацæттæ кодта «Краски жизни», зæгъгæ равдыст. Ацы мадзалмæ æрбамбæлдысты зындгонд нывгæнджытæ, ахырдзаутæ, архитектурæйы факультеты студенттæ æмæ Дзæуджыхъæуы цæрджытæ. Уазджытæ разыйæ баззадысты ацы равдыстæй. Аннæ Сагамонянц йæхæдæг, йæ сабийы бонтæй нырмæ уарзы ныв кæнын. Цыппар азы йыл куы цыд, уæд йæ размæ сæвæрдта нысан, цæмæй фидæны йæ куыстыты - фылдæр æмбæлой рухс хуызтæ. Ныр йе 'ргом здахы рæсугъд æмæ аив нывтæм. Цæгатирыстойнаг адæмы размæ рахаста 29 куысты. Сагамонянц Аннæ, равдысты автор: «Æз цалдæр азы дæргъы цæрын Бетъырбухы. Æвæдза, цымыдисаг у, фæлæ йæ фыццаг аз адæймаг нæ фембары, боныхъæды ивддзинæдтæ йыл куыд ахадынц, уый. Мæныл дæр æцæгæлон горæты æрхæндæг тæваг сахадыдта. Уыйадыл ныв кæнын райдыдтон. Æмæ нæ фæрæдыдтæн». _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv