Ног гæнæнтæ

Цæгат Кавказы хæххон-металлургон институт æмæ Кемеровойы фæлтæрддзинад фæбæрзонддæр кæныны регионалон институт бафыстой æмгуыстады бадзырд. Ахуыргæнæндæтты разамынды ныхæстæм гæсгæ, уый ахъаз уыдзæн студенттæн æмæ сæ разамонджыты дæсныйад хуыздæр кæнынæн. Кемеровойы институт у, энергетикæйы министрады бæрны чи ис, уыдонæн се стырдæртæй. Алы аз дæр дзы сæ фæлтæрддзинад фæарфдæр кæнынц 6 мин адæймагæй фылдæр. Кемерово ма хъæздыг у хæххон-промышленнон куыстуæттæй дæр. Се 'ппæт дæр сты нырыккон домæнтæм гæсгæ ифтонггонд. Нæ республикæйы студенттæн уый у, аргъ кæмæн нæй, ахæм фадат сæ фæлтæрддзинадыл бакусынæн. Бадзырд хуыздæрырдæм фæбæрæг уыдзæн экономикæ æмæ куыстдæттыны фарстатыл. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv