Нæхи халсар

Цæгат Ирыстоны хъæууон хæдзарадмæ уæлдай цæстдард кæй ис, уый дызæрдыккаг нæу. Ацы къабазы æнтыстджынæй чи архайы, уыдоны тыххæй иу æмæ дыууæ хатты нæ дзырдтам. Бæрæггæнæнтæм гæсгæ, фарон аз хъæууон хæдзарады архайджытæ бакуыстой 600 милуан соммæ ввахс. Цы продукци уадзынц, уыдон канд нæ республикæйы парахат нæ кæнынц, фæлæ ма æгас Уæрæсейыл дæр. Дыгуры районы фермертæ — Зуймонты æфсымæртæ — нырма уал сæ продукци уæй кæнынц нæхимæ. Фæлæ фидæны пълæнттæ стыр сты. Цы ис сæ зæрды, уый базыдта не сфæлдыстадон къорд. Зуймонты æфсымæртæ джитрийы куыст кæнынц 7 азæй фылдæр. Раздæр тыллæг æмбыр кодтой аз иу хатт, халсары афон куы уыд, уæд. Уый фæстæ сфæнд кодтой хоры куыст кæнын æнæнхъæн аз. Сарæзтой хъæрмуæттæ. Уый тыххæй бахъуыд куысты сусæгдзинæдтæ ногæй базонын. Фыццаджыдæр джитритæ раст куыд тауын хъæуы, æмæ сæм куыд зилын хъæуы, уый. 1 æмæ рдæг мин квадратон метрыл хъæрмуат саразынæн бахъуыд 3 мæйæ фылдæр. Æмæ кæд æнцон нæ уыд, уæддæр сæ къухы бафтыд. Уымæй уæлдай ма сæ зæрдæ ардтой грант райсыныл дæр, фæлæ нæ рауад. Ныртæккæ хъæмруæтты ныссагътой 3 мин бынæй фылдæр. Хъуамæ дзы æрзайа 300 килæйы джитритæ. Фыццаг тыллæг æмбырд кæнын райдайдзысты иннæ къуыри. Равæрдзысты йæ Дыгуры районы базарты. Фидæнмæ дæр пълæнтæ ис. Тыллæг фæфылдæр кæнын æмæ уæд гæнæнтæ дæр уæрæхдæр уыдзысты. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv