Ирон театры равдыстытæ кæронмæ æрхæццæ сты Волгограды. Стыр гастрольтæ сын райдыдтой Шекспиры трагеди «Король Лир»-æй. Уыимæ ма театры актертæ ног хуызы равдыстой Александр Островскийы пьесæ «Доходное место». Ирон культурæимæ Волгограды театрдзаутæ базонгæ сты Хетæгкаты Къостайы поэмæйыл æвæрд спектакль «Фатимæ»-мæ бакæсгæйæ. Уæдæ сывæллæттæн та равдыстой «Бремены музыкантты». Сентябры та гастрольтимæ Волгограды ног эксперименталон театры артисттæ ссæудзысты Дзæуджыхъæумæ.