Цæгат Ирыстоны сарæзтой æрвылазон ахуырадон акци

Æвæццæгæн, цардæмбæлттæ арæх иу æвзагыл нæ фæдзурынц. Уæдмæ та уал нæ республикæйы сарæзтой глобалон диктант ирон æвзагыл. Ахуырадон акци æрвылаз вæййы ирон æвзаджы бæрæгбоны агъоммæ. Сæ мадæлон æвзагæй зонындзинæдтæ бафæлварынмæ æрæмбырд сты ахуыргæнджытæ, студенттæ æмæ æхсæнадон кусджытæ. Ацы аз диктантæн равзæрстой Джусойты Нафийы уацау «Фыдæлты туг»-æй скъуыддзаг. Бакастис йæ ирон академион театры актрисæ Тыбылты Анжелæ. Диктант ныффыстой канд нæ республикæйы цæрджытæ нæ, фæлæ ма фæсарæнты дæр. Акцийæн комкоммæ хуызы `вдыстой Интернеты. Диктанты хатдзæгтæ сбæрæг кæндзысты 15 майы - ирон æвзаджы боны. Алкæмæн дæр фадат уыдзæн йæ бæрæггæнæнтæ нæ республикæйы ахуырад æмæ наукæйы сайты фенынæн. Акцийы архайджыты зонындзинæдтæн аргъ кæндзысты 5-баллон системæмæ гæсгæ. Се `ппæты зæрдæмæ дæр ацы хъæппæрис фæцыд, хæст сты иу хъуыдыйыл. Ахæм акцитæ мадæлон æвзаг бахъахъæнынмæ хæссынц стыр æвæрæн. Акци арæзт у нæ республикæйы ахуырад æмæ наукæйы министрады хъæппæрисæй 7-æм хатт. Куыд зæгъынц, афтæмæй йæ архайджыты нымæц азæй-азмæ фылдæр кæны. Комкоммæ трансляцийы руаджы чи ныффыста, уыдонæн диктанты текст равæрдзысты министрады сайты, цæмæй сæ рæдыдтытæ сæхæдæг сбæрæг кæной. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv