«Æнæхсад» къæвда

Арв дæр абон, æвæццæгæн, æнæфснайдæй баззад. Науæд уæдæ уыцы чъизи къæвдайы лæсæнтæ кæцæй хъуамæ лæдæрсой? Цæвиттон, абон адæм æддæг-мидæг ауадысты. Социалон хызæгты сфæдис кодтой, нæ хæдтулгæтæ къæвдайы донæй счъизи сты, зæгъгæ. Уæвгæ, сайгæ нæ кодтой. Ныртæккæ цы кадртæ уынут, уыдон чысыл раздæр æнæзивæгæй фелвæстам нæ телефонтæм. Дард цæуын дæр нæ нæ бахъуыд, къæвда, куыд æй бамбæрстат, афтæмæй нæ телекомпанийы кæрты дæр уары. Фæстæдæр рабæрæг, ахæм æрдзон фæзынды диссагæй кæй ницы ис. Синоптиктæ куыд хъусын кæнынц, афтæмæй чъизи къæвда расайдта тыхджын циклон. Уæрæсейы Хуссармæ йæ цы хуыцау æрхаста, зæгъгæ, куы бафæрсат, уæд уымæн дæр дзуапп зонæм. Æрхæццæ нæм ис бæстæйы централон регионтæй. Змæлынмæ ацы циклон рæвдз кæй уыд, уый тыххæй фæндагыл æрæмбырд кодта алыхуызон чъизитæ. Сцъырдта сæ йæхимæ æмæ сæ ныр æнæвгъауæй йæ цæссыгтимæ æркалдта Цæгат Ирыстоны цæрджытыл. Канд хæдтулгæтæ не счъизи кодта, фæлæ ма адæмы уæлæдарæс дæр. Цæмæй цæрджытæ мауал фæдис кæной, уый тыххæй специалисттæ къæвдайы донæй систой анализтæ. Сæ хатдзæгтæ бæрæг уыдзысты райсом. Фæлæ дзы тæссагæй кæй ницы уыдзæн, уый ныр дæр бæлвырд у. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv