Ирон æвзаг фидæны аз фæзындзæн зындгонд лæвар сервис «Яндекс.Переводчик»-ы
Ирон æвзаг фидæны аз фæзындзæн зындгонд лæвар сервис «Яндекс.Переводчик»-ы. Уый къухы бафтыд «Ирон адæмы националон-культурон райрæзт»-ы паддзахадон программæйы руаджы. Сергей Меняйлойы амынддзинадмæ гæсгæ, бакустой ирон æвзаджы ӕрмӕг ӕмӕ фӕрӕзтыл. Уый тыххæй фехъусын кодта национ политикæ æмæ æддагон бастдзинæдты министр Бæгъиаты Алан. Пресс-конференцийы ма ныхас цыд нациты æмæ конфесситы 'хсæн ахастдзинæдтыл, экстремизмы æмæ терроризмы профилактикæ, æддагон бастдзинæдтæ, национ культурæйы хъахъхъæнынад, хъазахъхъæгтимæ æмархайдыл. Фидӕны 11 млн æмæ 300 мин сомы Федералон агентад паддзахадон националон политикæйы райрæзтæн рахай кæндзӕн дзуапдæттæг министрадæн. Ацы аз республикæ фыццаг хатт архайдта федералон проект «Здравствуй, Россия»-йы. Йæ фæлгæты Цæгат Ирыстон бабæрæг кодтой 50 фæсарæйнаджы. Министрадæн бастдзинад ис ирон диаспоратимæ. Ныртæккæ æгас дунейы сты 35. 52 та ӕмбӕстӕгты иугондтӕ. Уымæй уæлдай ма ведомство æрвылаз саразы этнолагерь культурæты æхсæн бастдзинад фæхъæддыхдæр кæнынæн.
Ирон æвзаг фидæны аз фæзындзæн зындгонд лæвар сервис «Яндекс.Переводчик»-ы. Уый къухы бафтыд «Ирон адæмы националон-культурон райрæзт»-ы паддзахадон программæйы руаджы. Сергей Меняйлойы амынддзинадмæ гæсгæ, бакустой ирон æвзаджы ӕрмӕг ӕмӕ фӕрӕзтыл. Уый тыххæй фехъусын кодта национ политикæ æмæ æддагон бастдзинæдты министр Бæгъиаты Алан. Пресс-конференцийы ма ныхас цыд нациты æмæ конфесситы 'хсæн ахастдзинæдтыл, экстремизмы æмæ терроризмы профилактикæ, æддагон бастдзинæдтæ, национ культурæйы хъахъхъæнынад, хъазахъхъæгтимæ æмархайдыл. Фидӕны 11 млн æмæ 300 мин сомы Федералон агентад паддзахадон националон политикæйы райрæзтæн рахай кæндзӕн дзуапдæттæг министрадæн. Ацы аз республикæ фыццаг хатт архайдта федералон проект «Здравствуй, Россия»-йы. Йæ фæлгæты Цæгат Ирыстон бабæрæг кодтой 50 фæсарæйнаджы. Министрадæн бастдзинад ис ирон диаспоратимæ. Ныртæккæ æгас дунейы сты 35. 52 та ӕмбӕстӕгты иугондтӕ. Уымæй уæлдай ма ведомство æрвылаз саразы этнолагерь культурæты æхсæн бастдзинад фæхъæддыхдæр кæнынæн.