Ирыстоны бизнес климат

Нæ республикæйы сæргълæууæг Битарты Вячелав йе рвылазон ныстуаны дзырдта инвестортæн æмбæлгæ фадæттæ саразыны тыххæй. Куыд фехъусын кодта, афтæмæй, Ирыстон цæттæ у æмгуыстадмæ. Фæнды нæ экономикæйы рæзтыл кусын. Дæнцæгæн æрхаста фарон нæм компани Метро кæй фæзынд, уый. Битарты Вячеслав ма радзырдта, фидæны нæм компани Леруа Мерлен дæр кæй фæзындзæн, уый тыххæй. Нырма уал ацы ран у афтид быдыр, фæлæ цалдæр мæйы фæстæ ам бындур æрæвæрдзысты егъау базарадон центрæн. Цæгат Ирыстоны тагъд фæзындзæн, æппæт дунейы дæр зындгонд куыстат «Леруа Мерлен»-ы хай. Компани уæй кæны арæзтадон æрмæджытæ. Нæ республикæйы райрæзты агентады куыд зæгъынц, афтæмæй ахæм инвестортæ стыр ахъаз фæуыдзысты нæ регионы экæномикæйæн. Стыр æмæ зындгонд инвестортæ уыдзысты нæ регионы экономикон æдасдзинады æвдисæнтæ. Ахæм дæнцæгтæ Цæгат Ирыстоны ныридæгæн ис. Фарон нæм фæзынд ноджыдæр ма иу стыр гипермаркет – «Метро кэш энд Керри». Ацы компаниимæ та дыууæ азы размæ бадзырд бафыстой инвестицион форумы Сочийы. Гипермаркет сарæзтой хæрз чысыл рæстæгмæ. Байгом æй кодтой 6 мæйы æмгъуыдмæ. Уый руаджы нæ республикæйы фæзынд 200 кусæн бынаты æмæ 60 милуан сомы æрвылазон фиддонтæ бюджетмæ. Уымæй уæлдай ма бынæттон амалхъом адæймæгтæн фæзынд фадат сæ продукци Уæрæсейы иннæ регионтæм æрвитынæн. Нæ республикæйы райрæзты агентад уымæй сарæзта, бахæлæг кæнæн кæмæ ис, ахæм уавæртæ. Æмæ ныр Цæгат Ирыстоны æнхъæлмæ кæсынц æндæр инвестортæм дæр. «Цæгат Ирыстонæн æвзæрст æрцыдысты йæ тыхджындæр æмæ хуыздæр инвестицион миниуджытæ. Се хсæн – логистикæ, аграрон-промышленнон къабаз, æнæниздзинаддзæбæхгæнæг курорттæ. Ацы къабæзты сæйраг инвестортимæ кусæм ныртæккæ. «Метро» æмæ «Леруа»-йы фæзынд нæ куыстæн бындурæвæрæг у. Дарддæр æнхъæлмæ кæсæм ног инвестортæм», – РЦИ-Аланийы райрæзты агентады инвестортимæ кусыны директор Кирилл Ерохин. 2018-æм аз Цæгат Ирыстоны у инвесторы аз. Æмæ нæ республикæмæ инвесторты æргом разадхыныл куыст цæудзæн дарддæр. Куыд загътам, афтæмæй æппæтдунеон компанитæ Ирыстоны фылдæрæй-фылдæр кæй кæнынц, уый дзурæг у, амалхъомдзинады гæнæнтæ нæм кæй рæзынц, ууыл. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv