Цæгат Ирыстоны æмбырд кæнын райдыдтой галæрыскъæфы тыллæг

Уыцы хæс бабар кодтой сæдæгай адæймæгтæн. Æдæппæтæй нæ республикæйы гагадыргътæ ахсынц 54 гектары бæрц фæзуат. 17 дзы сты галæрыскъæфы хуымтæ. Æрыдоны районы ацы хъæууонхæдзарадон культурмæ се `ргом здахынц ныр 12 азы. Куыд зæгъынц, афтæмæй йе `рзайын кæныны хъуыддаджы химион буаргъæдтæй нæ пайла кæнынц. Цы тыллæг æрæмбырд кæндзысты, уый та а-дыууæ боны балæудзæн базартæ æмæ дуканиты тæрхæджытыл. Уæдæ дзы армукъайы рæнхъытæ дæр цух нæ уыдзысты. Къуыримæ уал зæхкусджытæ æрæмбырд кодтой 5 тоннæйы. Куыд зæгъынц, афтæмæй сын-иу раздæр æнтыст бонмæ 3 тоннæйы æмбырд кæнын. Кæд бæрцæй тыллæг иучысыл фæкъаддæр, уæд йæ хæрзхъæддзинад цауд нæу. Æлхæнынмæ йæм гæппæй лæууынц республикæйы алы районы дæр. Боныхъæд сæ куы нæ хъыгдарид, уæд зæхкусджытæ ноджы æвзыгъддæрæй кусиккой. Фæлæ сын нырмæ цы `нтысы, уымæй дæр разы сты. Уый нæ, фæлæ ма сæ фæзуæттыл ноджыдæр бафтыдтой. Иннæ азыл сæ зæрдæ тынгдæр дарынц. Уæдæ сæм республикæйы разамынд дæр хъуамæ фæкæса. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv