Спектакль «Фатимæ» равдисдзысты 5 ноябры Ирон драмон театры

Спектакль «Фатимæ» равдисдзысты 5 ноябры Ирон драмон театры. Бацæттæ йæ кодтой Хуссар Ирыстоны Паддзахадон драмон театры артисттæ «Сцена без границ», зæгъгæ фестивалмæ. Ацæудзæн 8-æм ноябрмæ. Йæ фæлгæты театруарзджытæн сæ курдиат раргом кæндзысты Кæсæг-Баохъары, Дагестаны, Хъæрæсе-Черкесы æмæ Абхазийы минæвæрттæ. Алчидæр сæ бацæттæ кодта спектакльтæ æмæ равдыстытæ. Хетæгкаты Къостайы фыст пьесæмæ гæсгæ спектаклы æвæрæг у Дзудцаты Тамеран - Хуссар Ирыстоны паддзахадон театры аивадон разамонæг. Сæйраг ролтæ дзы ахъаздзысты - сгуыхт артисттæ Хуыгаты Альбинæ, Уанеты Эдуард æмæ Гаглойты Артур. Уыдонимæ ма æрыгон актер Мамиаты Георгий дæр. Режиссеры ныхæстæм гæсгæ, спектаклы спайда кæндзысты нырыккон технолгитæй æмæ декорацитæй, цæмæй Къостайы æнæмæлгæ уацмыс ног хуызы равдисой. Аргъ ын кæндзысты жюрийы уæнгтæ. «Сцена без границ» фестивалы фæлгæты сараздзысты алы хуызон сфæлдыстадон фембæлдтытæ æмæ дæсныйад æвдисæн ахуыртæ. Амондзыстæ сæ дæсны режиссертæ æмæ актертæ. Се`хсæн Сæлбиты Аким æмæ Гуыцæлты Марат. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv