Стæджы магъзы донортæ систы 117 адæймаджы

Стæджы магъзы донортæ систы 117 адæймаджы. «Спаси жизнь ребенку с лейкозом», зæгъгæ, акци республикæйы ацыд 5-æм хатт. Ахæм акциты фæрцы, стæджы магъзы донорты сæрмагонд банк кæй хонынц, уый фæфылдæр 610 адæймаджы бæрц. Тугмæ гæсгæ сбæрæг кодтой адæймаджы генты сконд. Бæрæггæнæнтæ та æрвыст æрцæуынц стæджы магъзы донорты национ регистрмæ. «Спаси жизнь ребенку с лейкозом», зæгъгæ, акцийы архайдтой 18 азæй-45 азы онг кæуыл цæуы, ахæм адæм. Сæйраг домæн - цæмæй донор æнæниз уа. Тугдæттыны размæ адæймаг сбæрæг кæны йæ æнæниздзинады уавæр. Дохтыр æм рагагъоммæ æркæсы æмæ сфæлхат кæны, ис ын бар туг раттынмæ, æви нæ. Уый хыгъд туг дæттыны размæ нæй карз нозт нуазын. Æрвылаз Уæрæсейы 5 мин адæймагмæ рабæрæг кæнынц лейкоз кæй хонынц, уыцы æвзæрниз. Мадзал аразджыты ныхæстæм гæсгæ, донор суæвынæн бирæ нæ хъæуы, акци та ахсджиаг у. Бафтаудзыстæм ма уый, æмæ Америчы иугонд штатты алы 32-аг адæймаг у стæджы магъзы потенциалон донор, Германийы алы 16-æм, Израилы 11-æм, Уæрæсейы та алы 3 мин 400-æм. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv