Уæззау низтимæ сывæллæтты дзæбæх кæнынæн Уæрæсейы хицауад рахай кодта 22 миллиард сомы

Уæззау низтимæ сывæллæтты дзæбæх кæнынæн Уæрæсейы хицауад рахай кодта 22 миллиард сомы. Ныхас цæуы, фонд «Круг добра» кæмæн æххуыс кæны, уыдоныл. Фонд нысангонд æрцыд бæстæйы президент Владимир Путины хъæппæрисæй. Сæрмагонд бардзырд бафыста Михаил Мишустин. 104 милуан сомы схардз кæндзысты, Уæрæсейы регистрацигонд чи æрцыд, уыцы хостыл. Самал сæ кæндзæн цæрджыты хостæй ифтонггӕнӕг федералон центр. Куыстуат ис Æнæниздзинад хъахъхъæнынады дæлбар. Фæрæзты иннæ хай — 21 миллиард сомы, арвитдзысты фонд «Круг добра»-мæ. Фæрæзтæ схардз кæндзысты медицинон æххуысыл, хостыл æмæ реабилитацийæн хъæугæ техникон гæрзтыл. Æмткæй райсгæйæ, сабитæй уæлдай медицинон æххуыс кæй хъæуы, уыдонæн рахай кодтой 60 млрд сомы. Фидæны аз та фæнд кæнынц 78 млрд сомæй фылдæр. 2023-æм азы та -- 84 млрд сомы. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv