Размæ, уæлахизтæм!

Абон райдыдта спортивон царды стырдæр цаутæй иу. Уæрæсейы кадджын уавæры байгом кодтой Дунеон чемпионат футболæй. Йæ фæлгæты футболон матчтæ уыдзысты Уæрæсейы 11 горæты, нæ бæстæйы 12 стадионы. Зæххы къорийы 32 тыхджындæр командæйы тох кæндзысты хуыздæр команæйы ном райсыныл. Фыццаг хъазт ацæудзæн Мæскуыйы стадион «Лужники»-йы. 18 сахатыл фембæлдзысты Саудаг Арави æмæ Уæрæсейы футболисттæ. Мæскуымæ ссыдысты 15 паддзахады сæргълæуджытæ. Се `хсæн Хуссар Ирыстоны президент Бибылты Анатолий дæр. Турниры фæткмæ гæсгæ ма фыццаг къæпхæны Уæрæсейы футболисттæ фембæлдзысты Египеты æмæ Уругвайы командæимæ. Уæ зæрдыл уын æрлæууын кæндзыстæм,дунеон чемпионат Уæрæсейы фыццаг хатт цæуы. Ерыстæм уæлдай цæст дардзысты нæ республикæйы цæрджытæ дæр. Уæрæсейы иугонд футболон командæйы уæнгтæ сты не `мзæххонтæ Гæбулты Владимир æмæ Дзæгъойты Алан. Командæйы сæйраг тренер дæр ирон у – Черечесты Станислав. Хъазты размæ фембæлд журналисттимæ, радзырдта футболисттæ куыд цæттæ сты æмæ сæхи куыд æнкъарынц, уый тыххæй. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv