Битарты Вячеслав фембæлд Сергей Прокопов æмæ Александр Фукаловимæ

Цæгат Ирыстоны сæргълæууæг Битарты Вячеслав фембæлд Уæрæсейы Цæгат Кавказы хъуыддæгты фæдыл министры æххуысгæнæг Сергей Прокопов æмæ «Уæрæсейы акционерон банчы» департаменты разамонæг Александр Фукаловимæ. Æмбырды ныхас кодтой ресурсон организацитæн сæ лæггæдтæн комкоммæ хуызы фидыны тыххæй. Проекты райрæзтыл Цæгат Кавказы бакусдзысты Уæрæсейы президенты хъæппæрисæй. Йæ сæйраг нысан у лæггæдты хæрзхъæддзинад фæбæрзонддæр кæнын. Цæгат Кавказы Федералон программæйы архайынц куыстуат «Россети Северный Кавказ» æмæ «Газпром Межрегионгаз». Æрæджы энергетиктæ, газы кусджытæ æмæ Уæрæсейы банк бафыстой сæрмагонд бадзырд. Уый руаджы æмбырд кæндзысты лæггæдты тыххæй фиддонтæ. Сæ иумæйаг гæххæты руаджы фæзындзæн æнæрмæджы хыгъд.Уыимæ ма скæндзысты Цæгат Кавказы федералон зылды цæрæнуæтты коммуналон къабазы адристы æмæ абонентты базæты инвентаризаци. Битарты Вячеслав куыд бафиппайдта, афтæмæй ацы ногдзинад хъуамæ цæрджыты цардыл хуыздæры `’рдæм фæзына. Хъуамæ сын æппæт лæггæдтæн дæр иу бынаты бафидыны фадат уа. Битарты Вячеслав куыд зæгъы, афтæмæй лæггæдтæ кæнæн организаци хъуамæ нысангонд уа Цæгат Ирыстоны. Пайдагæнджытæй цы процент исой, уый та хъуамæ бæрзонд ма уа. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv