Сергей Меняйло расидт спаржæы куыст кæнынæн субсиди снысан кæныны хъæппæрисимæ

Сергей Меняйло расидт спаржæы куыст кæнынæн субсиди снысан кæныны хъæппæрисимæ. Бæстæйы вице-премьер Виктория Абрамченко та ныридæгæн профилон ведомтсвæтæн бабар кодта æххуысы мадзæлттыл бакусын. Уый тыххæй хъусын кæны РБК. Сæргълæууæг фæнысан кодта, уæрæсейаг куыстуæттæ базарады домæнтæй кæй æххæст кæнынц æрмæст 10%, нæ республикæйы продукци та дунейы бирæ товартæй хуыздæр у. Цæгат Ирыстоны 6 азы дæргъы æххæстгонд цæуы спаржæ зайын кæныны инвестицион проект. Бæстæйы хуссарварсы иунæг у. Хæрзхъæд продукци ласынц Мæскуы æмæ централон регионты зындгонд хæрæндонтæ æмæ базарадон центртæм. Культурæ зайы 55 гектарыл, кондадон коплекс та æххæст у нырыккон ифтонггæрзтæй. Фидæны фæзуат фæнд кæнынц 100 гектары онг фæфылдæр кæнын. Спаржæ чысыл æхцаввонгад нæ домы. Чи йæ парахат кæны, уыдон та паддзахадон æххуыс нæ исынц. Уымæн æмæ зайæгой хаст у бирæазонты хыгъдмæ.