Æфсæддон уæлæдарæсы, къухты хæцæнгарз, афтæмæй æхсынц ныхмæлæууджы, фæлæ хъыгдæрд ничи æййафы. Æппæт архайд дæр у æфсæддон-тактикон хъазты хуызы. Хуыйны страйкбол. Нæмгуыты бæсты пайда кæнынц чысыл пуртитæй. Командæтæ архайынц арӕхстгай. Тырнынц æрмæст уæлахизмæ. Хъазт у хæрзæнцон. Командæйы хъæуы ныхмæлæууæджы баййафын æхсгæйæ, цæмæй рæстдзæвинæн зындæр уа ныхмæ фӕлæууын. Хуыздæрты бæрæг кæнынц къамисы 8 уæнджы. Уыдон сæхимæ фæнысан кæнынц алы æхст дæр. Сæйрагдæр та кӕсынц, æдасдзинады домæнтæ куыд æххæстгонд цæуынц, уымæ. Цæгат Ирыстоны страйкбол фæзынд æрæджы, фæлæ парахат кæны. Зæгъæм, ацы ерысты архайынц 10 командæйы. Уый бæрц уыдысты ивгъуыд къуыри дæр. Архайджытæ куыд зæгъынц, афтæмæй сӕм  хъазты архайгӕйӕ сӕвзӕры æхсызгон æнкъарæнтæ. Мадзаларазджыты ныхæстæм гæсгæ та ма пайда у æфсæддон службæмæ цæттæ кæнынæн. Æфсæддон-тактикон ерыстæ баст сты уæлдæфон-десантон æфсæдты бонимæ. Хъазтытæ цæуынц фæсивæдон политикæ «Регион для молодых» программæ æххæст кæныны фæлгæты. Сæйраг нысан у — æфсæддон-патриотон хъомылад рæзын кæнын æмæ æнæниздзинад цардыуаг парахат кæнын. Республикæйы фæсивæды хъуыддæгты фæдыл комитеты ацы къабазы кæны æнтыстджын куыст. Ерысты хатдзæгтæм гæсгæ уæлахиздзауыл банымадтой алы командæ дæр. Æнтыстдзинадтæ къухы бафтыдысты æмгуыстад, раст архайд æмæ тактикæйы руаджы. Архайджыты хорзæх кодтой кубоктæ æмæ майдантæ.