Хистæр фæлтæры профессионалон ахуырадæн рахай кæндзысты 19 милуан сомæйы фылдæр

Хистæр фæлтæры профессионалон ахуырадæн рахай кæндзысты 19 милуан сомæй фылдæр. Уый тыххæй хицауады æмбырды фехъусын кодта нæ республикæйы куыст дæттыны комитеты сæрдар Платы Альбинæ. Ныхас цæуы, 50 азæй фылдæр кæуыл цæуы, стæй тагъд пенсиймæ чи рацæудзæн, ахæм ацæргæ адæмы тыххæй. Цы 19 милуан æмæ 481 мин сомы рахай кæндзысты, уыдонæн сæ 99% у федералон бюджетæй. Платы Альбинæйы ныхæстæм гæсгæ, ацы аз уыцы фæрæзты бæрц у 10 милуан сомæй фылдæр, фаронимæ абаргæйæ. Уæ зæрдыл уын æрлæууын кæндзыстæм, хистæр карæн ахуыртæ арæзт цæуынц проект «Демография»-йы фæлгæты. 2019 азы ахуыртæ ацыдысты 250 адæймаджы. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv