Фæндæгтыл æдасæй цæуыны паддзахадон инспекцийы кусджытæ Дзæуджыхъæуы сарæзтой рейд

Промышленность æмæ транспорты министрад, фæндæгтыл æдасæй цæуыны паддзахадон инспекцийы кусджытæ Дзæуджыхъæуы сарæзтой рейд. Æркастысты транспорты уавæрмæ, закъонад куыд æххæст кæнынц, уымæ. Нæ горæты фæндæгтыл цæуыны `гъдæуттæ сæрæй-къахмæ чи `ххæст кæны, ахæмты бон цырагъы рухсимæ дæр не ссардзынæ. Канд сæхи не `фтауынц фыдбылызы, фæлæ ма тæссаг уавæры баппарынц иннæты дæр. Ахæм хæрдмæхауджытыл цуан кодтой ацы рейды дæр. Чи бахауд къæппæджы æмæ йæм цы `нхъæлмæ кæсы? Уый зонынц не сфæлдыстадон къорды уæнгтæ дæр. Нæ уацхæсджытæ уыдысты рейды архайджытæ. Фæндæгты æдасдзинад хъахъхъæнæнæг паддзахадон инспекцийы кусджытæ бæрæг кæнынц, фæндаггон уагæвæрд чи не `ххæст кæны, хъæугæ гæххæттытæ кæмæ нæй æмæ сæ хæдтулджыты газы балæттæ æвæрынмæ куыд фæндыйы цæстæй чи кæсы, ахæм закъонхалджыты. Бирæ æнхъæлмæ кæсын нæ бахъуыд, шофыртæй кæмæ медицинон æркасты гæххæтт нæ разынд, кæмæ цыппар газы балоны бæсты разынд æртæ, кæмæн та йæ машинæйы фæстаг дуар æхгæд разынд. Шофыртæ бензины бæсты газы баллонтæй пайда кæнын цæмæ райдыдтой, уый бæлвырд у. Газæй пайда кæнын у æртæ хатты асламдæр. Бензины литр кæны 40 сомы, газæй артаг та - 19 сомы. Иуæй-иу æнæмæт шофыртæ цæмæй иу бынатæй иннæ бынатмæ тагъддæр бахæццæ уой, уый тыххæй хизынц закъоны сæрты. Паддзахадон инспектортæ сæ уый тыххæй бафхæрынц. Æнахуыр диссаг федтой шофыртæ ацы рейды. Автоинспектортæ æмæ транспортмæ цæстдарæрджытæй хъауджыдæр фæндæгтæм рацыдысты «Стыр Ныхас»-ы уæнгтæ дæр. Уæдæ «Стыр ныхасы» минæвæрттæ дæр рейды бацархайдтой. Маршрутон такситæ нæ горæты сты минæй фылдæр. Афтæ - шофыртæ дæр. Алкæмæ дæр хъус æрдарын зын у. Промышленность æмæ транспорты министрады куыд зæгъынц, афтæмæй рейдты фæстиуджытæ закъонхалджыты бæрц афæдзæй-афæдзмæ къаддæрæй-къаддæр кæнынц. Хæтдулæгтæн сæ 60 проценты ифтонг сты,дзуапп дæттынц ныры домæнтæн.40 проценты та нæ.ис фондз дæмæны æмæ мæ фæнды цæмæй сæ шофыртæ зоной,æмæ фехъусой бæлццæтты фæдис. Уыдон бирæ нæ хъæуы. Æрмæстдæр сæ сыгъдæг маршрутон таксийыл бынатмæ бахæццæ кæнын. Рейдтæ цæудзысты 1 февралмæ. Фыццаг нæу, уæдæ кæронбæттæн дæр - афтæ. куы бахъæуа, уæд та инспектортæ фæндæгтæм рацæудзысты. Адæмы æдасдзинад у сæйрагдæр. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv