Дзæуджыхъæуы пъæлицæйæгтæ æрцахстой давæджы

Пъæлицæйæгтæ æрцахстой, базарадон павильонтæй иуæй æхца адавынмæ чи хъавыд, уыцы закъонхалæджы. Æрыгон нæлгоймаг, дзидза кæм уæй кодтой, уыцы дуканигæсы кассæйæ 20 мин сомы раафтид кодта. Слестгæнæн-агурæн мадзæлтты рæстæг закъонхалæджы æрцахстой. Дзæуджыхъæуы цæрæг йæ аххосыл басаст. Æхцайы фæрæзтæ фæстæмæ йæ хицауæн радтой, давæгмæ та æнхъæлмæ кæсы ахæстон. Йе 'нæзакъон митæ фыст æрцыдысты, базары цы видеоцæстдарæн системæ куыста, уым. Ацы цауы фæдыл Дзæуджыхъæуы слестгæнджытæ байгом кодтой уголовон хъуыддаг 158 статьямæ гæсгæ «Давд». Токаты Тимур, РЦИ-Аланийы мидхъуыддæгты министрады, дзæуджыхъæуккаг хайады кусæг: «Бынатмæ куы æрбацыдыстæм, уæд камерæтæ цы систой, уымæ æркастыстæм. Æбæрæг нæлгоймаджы æнæзакъон митæ фыст æрцыдысты видеомæ. Нæлгоймаг куы бамбæрста, дуканигæс бынаты нæй, уæд айтæ-уйтæ нал акодта æмæ дыууын мин сомы йæхи фæкодта, мæ æрбасатар». _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv