60 милуан сомы рахай кодтой Цæгат Ирыстоны 60 скъолайы ахуыргæнджытæн
60 милуан сомы рахай кодтой Цæгат Ирыстоны 60 скъолайы ахуыргæнджытæн. Ахуырады системæйы рæзтыл кæй кусынц, уый фæдыл сын гранттæ дæтдзысты республикæйы сæргълæууæг Сергей Меняйлойы номæй. Педагогтæн фиддонтæ снысан кæндзысты фидæны азы райдиан. Ныхас цæуы, йæ куысты хорз бæрæггæнæнтæ чи равдыста, уыцы ахуыргæнджытыл. Зæгъæм, йæ ахуырдзаутæ олимпиадæты æмæ спортивон ерысты кæмæн рамбылдтой, кæнæ та иумæйаг паддзахадон фæлварæны 100 баллы кæмæн райстой, уыдон. Регионы горæттæ æмæ хъæутæй гранттæ рамбылдтой 30-æй. Æппæты фылдæр сгуыхтдзинæдтимæ педагогтæ разынд Дзæуджыхъæуы 5-æм гимназы, 38-æм, 30-æм æмæ 44-æм скъолаты. Хорз хатдзæгтæ равдыстой хъæутæ Троицкая, Камбилеевская, Елхот, станицæтæ Архонская æмæ Павлодольская. Ахуырады министрад сын аргъ цы æууæлтæм гæсгæ кодта, уыдон æвдисынц, ахуыргæнæндон цас æнтыстджын у, уый. Кастысты ивгъуыд азы хатдзæгтæм дæр. Республикæйы дзуапдæттæг министр Алыбегты Эллæ куыд фæбæрæг кодта, афтæмæй чи рамбылдта, уыдонæй иннæ ахуыргæнджытæ баллтæм гæсгæ дард нæ лæууынц. Уый та ууыл дзурæг у, æмæ сын фадат ис иннæ хатт грант рамбулынæн.
60 милуан сомы рахай кодтой Цæгат Ирыстоны 60 скъолайы ахуыргæнджытæн. Ахуырады системæйы рæзтыл кæй кусынц, уый фæдыл сын гранттæ дæтдзысты республикæйы сæргълæууæг Сергей Меняйлойы номæй. Педагогтæн фиддонтæ снысан кæндзысты фидæны азы райдиан. Ныхас цæуы, йæ куысты хорз бæрæггæнæнтæ чи равдыста, уыцы ахуыргæнджытыл. Зæгъæм, йæ ахуырдзаутæ олимпиадæты æмæ спортивон ерысты кæмæн рамбылдтой, кæнæ та иумæйаг паддзахадон фæлварæны 100 баллы кæмæн райстой, уыдон. Регионы горæттæ æмæ хъæутæй гранттæ рамбылдтой 30-æй. Æппæты фылдæр сгуыхтдзинæдтимæ педагогтæ разынд Дзæуджыхъæуы 5-æм гимназы, 38-æм, 30-æм æмæ 44-æм скъолаты. Хорз хатдзæгтæ равдыстой хъæутæ Троицкая, Камбилеевская, Елхот, станицæтæ Архонская æмæ Павлодольская. Ахуырады министрад сын аргъ цы æууæлтæм гæсгæ кодта, уыдон æвдисынц, ахуыргæнæндон цас æнтыстджын у, уый. Кастысты ивгъуыд азы хатдзæгтæм дæр. Республикæйы дзуапдæттæг министр Алыбегты Эллæ куыд фæбæрæг кодта, афтæмæй чи рамбылдта, уыдонæй иннæ ахуыргæнджытæ баллтæм гæсгæ дард нæ лæууынц. Уый та ууыл дзурæг у, æмæ сын фадат ис иннæ хатт грант рамбулынæн.