Дзæуджыхъæуы уыд хицауады аппаратон æмбырд

Эпидемиологон уавæр Цæгат Ирыстоны фæхуыздæр. Коронавирус кæмæ рабæрæг вæййы, уыцы сывæллæтты нымæц 64% фæкъаддæр. Уый тыххæй фехъусын кодтой хицауады аппаратон æмбырды. Амыдта йæ Цæгат Ирыстоны сæргълæууæг Сергей Меняйло. Скъолаты ахуыртæ цæуынц, раздӕрау, комкоммæ хуызы. Уæлæмхасæн ахуырады организацитæ æмæ спортивон скъолатæ, уыимæ хицауады уæнгтæ дæр кусынц бæлвырд фæткмæ гæсгæ. Æнæниздзинад хъахъхъæнынады министрады хъусынгæнинагмæ гæсгæ, тагъд медицинон æххуысы номырмæ чи дзуры, уыдоны нымæц фæкъаддæр. Ныртæккæ республикæйы рынчындæтты коронавирусæй рынчынтæн ис 1144 бынаты, уыдонæй 201 сты уæгъд. Хицауады уæнгтæ ма æрдзырдтой Уæрæсейы Президент Владимир Путины уынаффæтыл. Премьер Дзанайты Барис куыд фæнысан кодта, афтæмæй туризмимæ баст фарстатыл нырмæ хъæуы бакусын. Сбæлвырд, Дзæуджыхъæуы реабилитацион центр кæм æрбынат кæндзæн, уый дæр. Вице-премьер Тугъанты Ларисæйы ныхæстæм гæсгæ, арæзт æрцæудзæн Реданты районы. Фæбæрæг ма кодта, ацы аз регионы сидзæр сывæллæттæн, пъланмæ гæсгæ, кæй балхæндзысты 88 фатеры. Аппаратон æмбырды æрдзырдтой, афæдзы райдианы карьерты цы басгæрст снысан кодтой, уый хатдзæгтыл дæр. Сæ архайды рабæрæг бирæ закъонхæлдтытæ. Сæ ныхмæ байгом кæндзысты уголовон хъуыддæгтæ. Хъӕдтӕ хъахъхъӕнынады къабазы Горӕтгӕрон районы рабӕрӕг 350 млн сомӕн дӕвтытӕ, Мӕздӕджы районы – 50 млн сомы бӕрц. Цауты фӕдыл ӕмбырдгонд ӕрмӕг лӕвӕрд ӕрцыд барадхъахъхъӕнынады оргӕнтӕм. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv