Фæрæсугъд фæз

Æрыдоны сæйраг фæз йæ хуыз скалдта. Парти «Иугонд Уæрæсе»-йы проект «Городская среда»-йы фæлгæты сæйраг фæз рацарæзтой. 4 мин квадратон метры фæзыл сæвæрдтой ног къæйдуртæ, бырутæ, бырондæттæ, бандæттæ æмæ нырыккон рухсдæттæнтæ. Ацы бынат цæрджытæ равзæрстой сæхæдæг. Федералон æмæ регионалон бюджеттæй радих кодтой 8 æмæ æрдæг милуан сомы. Кадджын уавæры Æрыдоны сæйраг фæз абон байгом кодта нæ республикæйы хицауады сæрдар Тускъаты Таймураз. Уымæй уæлдай ма Æрыдоны абон байгом кодтой сывæллæттæн хъазæн фæз. Сарæзтой йæ сертификаты фæрцы. Балæвар сын æй кодта нæ республикæйы сæргълæууæг Битарты Вячеслав. Фæз дзуапп дæтты æдасдзинады домæнтæн. Бынæттон цæрджыты ныхæстæм гæсгæ, ацы хъуыддагмæ рагæй бæллыдысты. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv