Хион цæсты н`ахады

Мæздæджы пъæлицæйæгтæ та æрцахстой, кæйдæр хæдтулгæйыл арт чи бандзæрста, уыцы нæлгоймаджы. Уый тыххæй фехъусын кодта Цæгат Ирыстоны Мидхъуыддæгты министрады пресс-службæ. Ныртæккæ уын цы видеокадртæ æвдисæм, уыдон абон апарахат сты Инстаграмы. Æнæзонгæ нæлгоймаг бавдæлд, цавæрдæр бæрцуатæй фæсарæнты уагъд хæдтулгæйыл, æнцонтæй чи ссудзы, ахæм тæнгъæд басæххæтт кодта æмæ йыл зынг бафтыдта. Æфсæн бæхæн йæ пиллон уайтагъд скалд. Пъæлицæйæгты слесты фæстæ хабæрттæ бæлвырддæрæй рабæрæг сты. Нæлгоймаг фæхыл хæдтулгæйы хицау сылгоймагимæ, разындысты ма хæстæджытæ дæр. Йæ маст куыд сиса, уый нæ зыдта, æмæ æрхъуыды кодта ахæм мадзал. Сылгоймагæн йæ зиан æрмæджы `хцайæ нымайгæйæ 300 мин сомы бæрц баци. Фыдгæнæг та разынд Мæздæджы районы Калинины поселочы 41-аздзыд цæрæг. Уæвгæ йæ хабар, гæдыйы сæр чи ракъахта, уыцы мысты хуызæн рауад. Байгом ыл кодтой уголовон хъуыддаг «Барæй искæй мулкыл арт бандзарыны» статьямæ гæсгæ. Гæнæн ис, æмæ йæ ныр ахæстоны бамидæг кæной 5 азы онг. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv