96 мин льготниктæн фæфылдæр уыдзысты се`рвылмæйон фиддонтæ

Цæгат Ирыстоны федералон льготæтæ чи исы, уыдонæй 96 мин адæймагæн фæфылдæр уыдзысты се`рвылмæйон фиддонтæ. Фыццаджыдæр 3% бафтдзæн федералон льготæтæй чи пайда кæны уыдоны фиддонтыл.  Уыдонмæ хауынц инвалидтæ, хæстон цауты архайджытæ æмæ ветерантæ, Советон Цæдис æмæ Уæрæсейы хъæбатыртæ, Фæллойы ветерантæ, уыимæ радиацийæ хъыгдæрд чи баййæфта, уыдон. 3% фылдæр фæуыдзæн æхцайы æрвылмæйон фиддонмæ цы социалон лæггæдтæ хауынц, уыдон. Индексацийы бæрц у фароны инфляцийы бæрæггæнæнимæ баст. Æхцайы эквивалентæй 1-æм февралæй фиддонтыл бафтдзæн 1 155 сомы. Социалон лæггæдты хыгъдмæ куы æркæсæм уæд афтæ: йе нæниздзинад цудыд кæмæн у уыцы сывæллæттæн хостæ райсынæн лæвæрд цæудзæн - 889 сомы. Арæхдæр цы низтæ æмбæлы, уыдоны профилактикæ æмæ санаторон-курортон хуызы дзæбæх кæнынмæ путевкæтæ дæттыны хъуыддаджы фиддон 137 сомы фæфылдæр уыдзæн. Дарддæр æхсæнадон транспорт æмæ æфсæнвæндæгæй чи пайда кæны дзæбæх кæнгæй, уыдоны фиддонтæ. Бафтаудзысты сыл 127 сомы. Æгуыст пенсионеры баныгæнынæн Пенсион фонд хæстæджытæн фиддзæн - 6 124 сомы. Бафтауæм ма уый, æмæ Уæрæсейы 150 мин æгуыст пенсионерæн январæй сæ пенсиитæ 6,6% индексацигонд кæй æрцыдысты, уый. Социалон лæггæдты хыгъд: Ист сты: Уæрæсейы Пенсион Фонд 889,66 сомы (Стрелка вверх) - дзæбæхгæнинаг сывæллæттæн хостæ райсынæн 137,63 сомы - низты профилактикæ æмæ санаторон-курортон путевкæты фиддонтæ  127,77 сомы - æхсæнадон транспорт æмæ æфсæнвæндæгæй чи пайда кæны, хи дзæбæх кæныны рæстæг, уыдоны фиддонтæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv