Æнгузы быдыртæ

4 азы фæстæ хъуамæ æгас республикæйæ дæр æнгузтæ къæрцц кæнæм. Ахæм нысан йæ размæ сæвæрдта Милдзыхты Артур. Бавдæлд, æмæ Раздзогмæ `ввахс дæсгай гектартыл ныссагъта æнгузы талатæ. Уыцы хорздзинад йæ къухы бафтыд республикæйы разамынды фæрцы. Талатæ `рбаластой фæсарæнтæй, фæлæ сын Ирыстоны зæхх фæрæстмæ. Кæд хъуыддæгтæ аккаг хуызы цæуой, уæд ма сæ мыггаг æлхæнын дæр нал хъæудзæн. Æнгузты къæрццытæ нæ республикæйы кæд фехъусдзысты, уый зонынц не сфæлдыстадон къорды уæнгтæ. 42 гектары æнгузы талаты бын фесты. Чи сæ ныссагъта, уыдонæн сæ куыстæй сæ зæрдæ райы. Садзгæ дæр, цæсты чи ахады, ахæм хуыз ныккодтой. Дунейы æппæты хуыздæрыл нымад у, йæ ном – Чандлер, зæгъгæ. А-дунемæ фæзынд Калифорнийы, Ирыстонмæ та йæ `рбаластой Туркæй. Нæ зæххытæ йын разындысты тæккæ аккагдæр. Къорд рæстæджы фæстæ сæ мыггæгтæ æлхæнын дæр нал хъæудзæн. Æдæппæтæй компани «Эколенд» ныссагъта 13 мин талайы. Сæ фыццаг тыллæгмæ `нхъæлмæ кæсынц 4 азы фæстæ. Уæдмæ уал ног бæлæстæн хъæудзæн сæ къалиутæ `хсæдын æмæ сæ зианхæссæг зулчъыты ныхмæ хостæй пырх кæнын. Суанг ма сæ æртахгай дæр кæндзысты донхорыг. Уый у паддзахадон æххуыс райсыны уæлæмхасæн домæнтæй иу. Компанийы директор Милдзыхты Артур йæ размæ æвæры ног нысæнттæ дæр. Куыстуат размæ ракæныны мадзæлттæ хорз зоны. Талатæ ныссадзынæн сын зæххытæ радих кодтой Рахизфарсы районы администрацийы æххуысæй. Дарддæр дæр амалхъом адæймагæн кæй æххуыс кæндзысты, уымæй бынæттон хицауады зæрдæ `вæрынц. Æнгузы тъæпæнтæ афтæмæй сæ фыццаг къуыбар рафтаудзысты Раздзогмæ `ввахс. Æнгузæн цы аргъ уыдзæн, уый нырма сæ бон зæгъын нæма у. Фæлæ сæ фыццаг тыллæг куы сисой, уæд хъуамæ æддагон æлхæнджыты хай ма бауа. Раздæр уал дзы нæхи фæлхасгæнæг хъуамæ сахода. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv