Æхсызгон лæвар

Республикæйы сæргълæууæг Битарты Вячеслав ног фатеры дæгъæлтæ балæвар кодта «Спецэкосервис»-ы кусæг Чихтисты Михаилæн. Нæлгоймаг куыстуаты фæллой кæны 10 азæй фылдæр. Схъомыл кодта æртæ чызджы. Бирæ азты цард хаццоны ист фатеры. Чихтисты Михаил арфæ ракодта республикæйы сæргълæууæгæн. Куыстуаты къордимæ Битарты Вячеслав фыццаг хатт не фембæлд. Сæ цæрæн уавæртæ фæхуыздæр кæныныл раздæр дæр дзырдта. Уымæй уæлдай ныхас кодта куысты уавæрты тыххæй. Ивгъуыд азы сын байгом кодтой ног хæрæндон, сцалцæг кодтой сæ дзаумæттæ ивынæн уæттæ æмæ хинайæнтæ. Уый тыххæй сæрмагонд хæслæвæрд радта Битарты Вячеслав. Хицауады уæнгтæ лæмбынæг æркастысты сæрмагонд техникæйы уавæрмæ дæр. Ныртæккæ дзы ис 88 иуæджы. Уалдзæджы æмæ сæрдыгон рæстæг Дзæуджыхъæуы уынгтæ æфснайынмæ рацæуынц 266 адæймаджы æмæ æфснайæн техникæйы 50 иуæджы. Куыстуат ма хъæудзæн ног кусæнгарзай сифтонг кæнын, фæнысан кодта Битарты Вячеслав. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv