25 азы рæзты фæндагыл

Куыд ма хъусын кодтам, афтæмæй ацы аз мартъийы йæ юбилейыл сæмбæлд Хуссар Ирыстоны паддзахадон телерадиокомпани «Ир». Фыццаг хатт эфирмæ рацыд 1994-æм азы. 25 азмæ телекомпани акодта зынгæ къахдзæф размæ, ныридæгæн кусы ног домæнтæм гæсгæ, фæзынд дзы ног тыхтæ дæр. Юбилейы фæдыл республикæйы президент Бибылты Анатолий схорзæхджын кодта паддзахадон телерадиокомпани «Ир»-ы хуыздæр кусджыты паддзахадон хæрзиуджытæй. Хуссар Ирыстоны Фыдыбæстæйы хæсты уæлахизы 10 азы кадæны майдантæй аккаг ма систы 11 адæймаджы. Се 'хсæн уыдысты нæ республикæйы дыууæ минæвары дæр. Уæлдай æхсызгон нын у, дыууæйæ дæр журналисттæ кæй сты - паддзахадон телерадиокомпани «Алани»-йы директор Хъуысаты Тимур æмæ чысыл раздæр кæй ныффыстам, уый - спортивон журналист Баскаты Уырызмæг. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv