Фæндаггон æгъдаухалджытимæ тох

Машинæ скъæрджытæн ма иу хъусынгæнинаг. Нырæй фæстæмæ шофыр цас фылдæр домæнтæ хала, уал хатты фылдæр ивар фиддзæн. Уæрæсейы мидхъуыддæгты министрад «ОСАГО»-йы полисы коэффицент кæй хонынц, уый фæфылдæр кæндзæн. Ахæм проект æрхъуыды кодтой фæдзæхстадон компанитæ æмæ паддзахадон автоинспекци. Ног фæткмæ гæсгæ - иу афæдзмæ закъоны домæнтæ 5 кæнæ 9 хатты чи фехала, уыдонæн ног полисы аргъ дыууæ хатты фылдæр уыдзæн. Зæгъæм, 35 барадхалды кæмæн уа, уыдоны та «ОСАГО»-йы полис бахъæудзæн æртæ хатты зынаргъдæрæй æлхъæнын. Пъæлицæйæгтæ лæмбынæг кæсдзысты фæндæгтыл ныхмæцæуæг рæгътыл чи цæуы, стæй машинæ сахастмæ 60 километрæй тагъддæр кæнæ нозтджынæй чи скъæры, уыдонмæ. Ног домæнтæ сæ тыхы кæд бацæудзысты, уый бæлвырд бæрæг нæу. Йæ фарс хъуамæ рахæцой Паддзахадон думæйы депутаттæ. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv