Национ музейы ахицæн алайнаг сызгъæрины равдыст

Цыппар мин адæймаджы бабæрæг кодтой Национ музей фараст бонмæ. Абон уыд экспозицийы фæстаг бон. Куыста 3-æм январæй фæстæмæ. Алкæмæн дæр цымыдисаг уыд рагон алайнаг сызгъæрин дзауматæм бакæсын. Культурæйы министрады куыд æмбарын кæнынц, афтæмæй равдыстмæ æхсызгонæй æрбацыдысты скъоладзаутæ дæр. Уыдонæн æмæ уазджытæн сарæзтой сæрмагонд экскурсион программæ. Национ музейы экспозицийы фенæн уыд, æмбал кæмæн нæй, ахæм артефакттæ Се `хсæн – бронзæ æнусы конд дзауматæ æмæ алыхуызон нывæфтыдтæ. Стæм хатт сæ равдисынц. Вæййынц банчы æмæ сæ ничи уыны. Цæмæй сæ Дзæуджыхъæумæ сласой, уый тыххæй дæр сарæзтой уæлдай æдасдзинады мадзæлттæ, спайда кодтой нырыккон хъахъхъæнæн системæйæ. Райсом экспозицийы иу хай ногæй бафснайдзысты банчы. Музейы та дарддæр кæндзысты цалцæггæнæн куыстытæ. Республикæйы культурæйы министрады куыд æмбарын кæнынц, афтæмæй музейы рацарæзт у зын технологон процесс. Нырыккон домæнтæ та сты карз. Сæйрагдæр уый у, æмæ историон æвдисæнтæ хъæуы бахъахъхъæнынæн, цæмæй ма бирæ фæлтæртæ семæ зонгæ кæной, уый тыххæй. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv