Æрыдоны районы пъæлицæйæгтæ сарæзтой акци «Внимание, пешеход»

«Фистæгцæуæг», зæгъгæ, профилактикон мадзал цæуы Æрыдоны районы. Йæ сæйраг нысан у адæмы фæндаггон фыдбылызтæй бахъахъхъæнын. Инспектортæ сæ цæст дарынц, районы фылдæр змæлд кæм ис, уыцы бынæттæм. Профилактикон мадзæлтты фæрцы инспектортæ уæлдай æргом здахынц сывæллæтæм. Хæдтулгæты шофыртæ дæр къаддæр аххосджын нæ вæййынц. Фылдæр хатт фистæгцæуджытæн нæ раттынц фæндаг. Сæрмагондæй барадхъахъхъæнджытæ уромынц, фæндаджы фæтк чи халы, уыдоны. Кæнынц семæ æмбарынгæнæн куыст. Фæлæ æгæр-æгæр чи кæны, уыдоны бахъæуы административон иварæй æфхæрын. Уый та у иу минæй дыууæ мин соммæ ‘ввахс. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv