Республикон клиникон рынчындоны къултæ сæ нывтæй саив кодтой Тауаситы Сослæнбеджы номыл нывкæнынадон скъолайы рауагъдонтæ. Ахæм хуызы радтой сæ фондз фæлварæнæй иу. Офтальмологи æмæ нейрохирургийы хайадæн æрæджы кæронмæ æрхæццæ йӕ цалцæг. Сахуырстой дзы къултæ, ныр акрил ахорæнтæй фæирддæр сты. Ахорæн у, дон кæй нæ хъыгдары, ахæм. Уымæ гæсгæ, бирæ фæлæудзæн. Эскизтæ рагацау снысан кодтой хицауадимæ. Равзæрстой националон хуызы сюжет. Цы тæрхъусты бинонтæ дзы сныв кодтой, уыдон сты ирон уæлæдарæсы. Æппæт хуызтæ дæр рауадысты фæлмæн æмæ зæрдæмæдзæугæ. Аивгæнæн куыстытæ цыдысты къуырийы дæргъы.