«Валенсия»-йы стадионы байгом кодтой цыртдзæвæн Висенте Наварро Апарисиойæн

Дæнцæгæн хæссинаг дæр æй ис рахонæн. Цæвитттон, Испанийы футболон клуб «Валенсия» кадджын уавæры йæ стадионы байгом кодта цыртдзæвæн Висенте Наварро Апарисиойæн. Бронзæйæ конд монумент фæзынд стадион «Месталья»-йы астæуккаг трибунæйыл. Цæмæн ахæм кады аккаг ссис нæлгоймаг, уый дæр диссаг у. Цæргæ-цæрæнбонты сеньор Наварро æнувыд уыдис йæ командæйыл. Йæ зæрдæ йыл никуы сивта. Фæстæдæр ыл йæ хъысмæт рахаттис. Йе `нæниздзинад фæцудыдта æмæ йæ цæстæй бакуырм. Фæлæ афтæ бирæ уарзта æмæ афтæ æнувыд уыдис йæ футболон клубыл, æмæ куырмæй дæр стадионмæ цыдис. Иунæг хъазт дæр нæ фæуагъта. Афтæ тынг уарзта йæ клуб æмæ куы бакуырм ис, уæддæр иу хъазт дæр нæ ныууагъта. Æппæты амондджындæр та уыд, 2004-æм азы йæ зæрдæйыл хуыд клуб «Валенсия» Испанийы кубок æмæ чемпионат куы рамбылдта, уæд. Футболисттæ ацы нæлгоймаджы уарзондзинад дисы `фтыдта, уымæ гæсгæ йын йæ амæлæты фæстæ цыртдзæвæн сæвæрыны хъуыдыйыл "дыууæ" ничиуал загъта. Сæвæрдтой йæ, æдзух-иу сеньор Наварро цы бынаты бадтис, уыцы ран. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv