Иумæйаг паддзахадон фæлварæнтæм цæттæгæнæн 13 центры байгом кодтой республикæйы районты
Иумæйаг паддзахадон фæлварæнтæм цæттæгæнæн 13 центры байгом кодтой республикæйы районты. Æдæппæтæй аххæсыдысты 3 минæй фылдæр ахуыргæнинагыл. Ахуырад æмæ наукæйы министр Алыбегты Эллæйы ныхæстæм гæсгæ, фæсивæдæн уый хорз æххуыс у, семæ лæвар кусынц раззагдæр ахуыргæнджытæ. Сергей Меняйло бабар кодта, цæмæй ахæм центртæ уæлдæр ахуырадон уагдæтты дæр байгом кæной. Аппаратон æмбырды ма ныхас цыд эпидемиологон уавæрыл. Грипп æмæ æхснырсæгæй рынчынты нымæц ивгъуыд къуыри фæкъаддæр 16,4%, уый алы кары минæвæртты 'хсæн. Сывæллæтты рæвдауæндæттæ æмæ скъолатæ кусынц фæткмæ гæсгæ, карантины сæхгæдтой æрмæст иу кълас. Æнæниздзинадхъахъхъæнынады министрады бæрæггæнæнтæм гæсгæ, ныридæгæнæн стационарты дзæбæх кæнынц 81 адæймаджы, уыдонæй 62 - сывæллæттæ. Æмбырды уæлдай æргом аздæхтой Уæлахизы бонмæ цæттæгæнæн мадзæлттæм. 9-æм маймæ базилдзысты æфсæддон техникæйы хуызæгтæ æмæ "Барбашовы фæзмæ". Районты разамонджытæ дæр хъуамæ саразой бæрæгбонмæ цæттæгæнæн пълан.
Иумæйаг паддзахадон фæлварæнтæм цæттæгæнæн 13 центры байгом кодтой республикæйы районты. Æдæппæтæй аххæсыдысты 3 минæй фылдæр ахуыргæнинагыл. Ахуырад æмæ наукæйы министр Алыбегты Эллæйы ныхæстæм гæсгæ, фæсивæдæн уый хорз æххуыс у, семæ лæвар кусынц раззагдæр ахуыргæнджытæ. Сергей Меняйло бабар кодта, цæмæй ахæм центртæ уæлдæр ахуырадон уагдæтты дæр байгом кæной. Аппаратон æмбырды ма ныхас цыд эпидемиологон уавæрыл. Грипп æмæ æхснырсæгæй рынчынты нымæц ивгъуыд къуыри фæкъаддæр 16,4%, уый алы кары минæвæртты 'хсæн. Сывæллæтты рæвдауæндæттæ æмæ скъолатæ кусынц фæткмæ гæсгæ, карантины сæхгæдтой æрмæст иу кълас. Æнæниздзинадхъахъхъæнынады министрады бæрæггæнæнтæм гæсгæ, ныридæгæнæн стационарты дзæбæх кæнынц 81 адæймаджы, уыдонæй 62 - сывæллæттæ. Æмбырды уæлдай æргом аздæхтой Уæлахизы бонмæ цæттæгæнæн мадзæлттæм. 9-æм маймæ базилдзысты æфсæддон техникæйы хуызæгтæ æмæ "Барбашовы фæзмæ". Районты разамонджытæ дæр хъуамæ саразой бæрæгбонмæ цæттæгæнæн пълан.