Цæгат Ирыстонмæ ссыд Уæрæсейы арæзтады министр

Цæгат Ирыстонмæ ссыд Уæрæсейы арæзтад æмæ цæрæнуæттæ коммуналон хæдзарады министр Владимир Якушев. Федералон министр æмæ Битарты Вячеслав фыццаджыдæр бабæрæг кодтой «Зæдты сакъадах» Беслæны. Уыдон æрымысыдысты теракты амæттæгты. Цыртдзæвæныл сæвæрдтой дидинджытæ. Уый фæстæ федтой Беслæны хауæтдзæгтæ æмбырдгæнæн цадтæ. Бирæ азты нæ кусынц. Уымæ гæсгæ куыстуæтты чъизи дон бахауы цæугæдон Теркмæ. Хъуыддаг аиуварс кæнынмæ фæдзырдтой мæскуыйаг специалисттæм. Денис Деков, «Топол - эко сервис»,-ы генералон директор: «Хауæтдзæгтæ æмбырдгæнæн цадтæ сарæзтой 2007 азы. 2010 азы та сæ пайда кæнын райдыдтой. Фæлæ куыд фæстæдæр афтæ къуылымпыдзинæдтимæ кусын райдыдтой. Уымæн йæ фыццаг аххосаг пъланæй фылдæр сæ кæй пайда кодтой, уый тыххæй. Уымæ гæсгæ заууатмæ уайтагъд æрцыдысты. Ныртæккæ Беслæн Теркмæ калы чъизи дон». _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv