Фыдыуæзæгмæ - къухкъæлæтты

Цæгат Ирыстоны пъæлицæйæгтæ Санкт-Петербурджы æрцахстой æмæ Дзæуджыхъæуы балæууын кодтой фыдгæнæджы. У Камбилеевкæйы цæрæг, 1984-æм азы гуырд. Азымджын æй кодтой лæг амарынæй. Йе `рцахсынмæ сæрмагонд цæст дардта нæ республикæйы мидхъуыддæгты министр Михаил Скоков. Бæрæггонд куыд у, афтæмæй 2017-æм азы ацы лæппу, Дзæуджыхъæуы Мæскуыйаг æмæ Леоновы номыл уынгтæ кæм баиу вæййынц, уым фæбыцæу йе `мгар нæлгоймагимæ. Йæ рæстдзинады сæрыл хæцынæн æндæр мадзал не ссардта, йæ ныхмæлæууæджы 5 хатты фехсынæй дарддæр. Уæззау цæфтæй йæ рынчындонмæ аластой, фæлæ уый уым йæ адзал ссардта. Уый фæдыл слестгæнджытæ байгом кодтой уголовон хъуыддаг Уæрæсейы Федерацийы Уголовон кодексы 111-æм статьяйы 4-æм хаймæ гæсгæ. Зæгъын ма `мбæлы уый, æмæ нæлгоймагæн раздæр дæр тæрхон кодтой æндæр фыдракæндты тыххæй. Бирæ йæ фæагуырдтой, æмæ ныр къæппæджы дуар æхгæд æрцыд Санкт-Петербурджы пъæлицæйæгты æххуысæй. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv