Баскъаты Уырызмæгæн уыд фембæлд Дзæуджыхъæуы цæрджытимæ

«Современник», зæгъгæ, национ проект дарддæр æххæст кæнынц национ наукон чиныгдоны. Проекты хъайтартæ - курдиатджын, сфæлдыстадон адæм. Сæ къухы æнтыстдзинæдтæ кæмæн бафтыд, уыдон. Проекты уазджытæ сæхи тыххæй дзурынц сæхæдæг. Проект кусы 3 азы. Абон фембæлд уыд Баскаты Уырызмæгимæ. Театр æмæ кинойы актер, режиссер, Цæгат Ирыстоны культурæйы сгуыхт кусæг радзырдта йæ сабибонты тыххæй, скъоладзау куы уыд, уæды рæстæг æмæ Щукины номыл училищейы ахуыры фæндæгты тыххæй. Уыимæ ма, нæ басусæг кодта, телеуынады куыст йæ цардыл куыд фæзынд, уый дæр.  Адæмы рæгъмæ рахаста йæ царды цымыдисаг цаутæй кæцыдæртæ. Фембæлдмæ æрмæст Баскаты Уырызмæджы хæлæрттæ не `рбацыдысты. Саккаг ма кодтой, бирæ йæ чи уарзы æмæ йын аргъ чи кæны, уыдон дæр. Мадзалы архайджытæ проекты хъайтармæ лæвæрдтой, цымыдис сæ цы фæрстытæ кодтой, уыдон. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv