Чысыл стъалытæ

Эстетикон гимнастикæ - ахæм спорты хуыз дæр ис. Цæуы йыл 100 азæй фылдæр. Ацы спорты хуызæй æрвылаз ерыстæ саразынц канд Уæрæсейы нæ, фæлæ ма фæсарæнты дæр. Нæ республикæйы эстетикон гимнастикæйæ хæрз æрæджы архайын райдыдтой. Ис нæм æрмстæдæр 2 секцийы. Дзæуджыхъæуы æмæ Мæздæджы. Сæ сусæгдзинæдтæ сын базыдта не*сфæлдыстадон къорд дæр. Эстетикон гимнастикæ цы у, уый чысыл гимнасткæтæ ныридæгæн зонынц. Сæ тренер сæ ахуыр кæны музыкæйы зæлтæ æмбарын æмæ йын йæ мидис рог æмæ аив змæлды æвдисын. Акробатикæ, кæфтытæ, аивадон гимнастикæ - ацы æртæ хуызæй æмбырдгонд цæуы эстетикон гимнастикæ. Къорды архайын хæрз чысылæй райдайынц- 4 азы сыл куы сæххæст вæййы уæд. Цы элементтыл сæ ахуыр кæнынц,уыдон фыццаг бакастæй аивадон гимнастикæйы змæлдтыты хуызæн сты. Фæлæ ацы спорты хуызтæм æрмæстдæр иу иудзинад ис дыууæ хуызы дæр элементтæ æххæстгонд цæуыц музыкæмæ гæсгæ. Уæлдай ахсджиаг у техникон æгъдауæй алы змæлд дæр куыд æххæст кæнынц, уый. Зæгъæм, раст куыд гæпп кæнын хъæуы, акрботикæйы сусæгдзинæдтæ дæр æмæ афтæ дарддæр. Уымæн хъæуы азгай ахуыр кæнын. Бынтон æхсызгон вæййы къорды архайын куы базонынц, уæд. Иумæ зæрдæргъæвдæй кусын. Сывæллæттæн дæр æмæ æнæуи æнæниздзинадæн дæр ацы сорты хуыз у пайдайаг. Архайын дзы хъæуы æрмæстдæр иумæ, къорды. Ацы сывæллæттæ кæрæдзийыл тынг æнувыд сты. Хæларæй иумæ кусынц. Уый ахсджиаг у. Эстетикон гимнастикæ - бынтон æрыгон спорты хуыз нæу. 100 азæй фылдæр парахат кæны Финляндийы æмæ Эстонийы. Уæрæсейы та эстетикон гинастикæйы федераци байгом ис 2002 азы. 3 азы фæстæ та фæзынд нæ республикæйы дæр. Фæлæ гамнастикæйы архайынæн фадæттæ ис æрмæстдæр Дзæуджыхъæуы æмæ Мæздæджы. Ныридæгæн Цæгат Ирыстоны командæ йæхи æнтысджынæй æвдисы алы хуызон бæстæйы ерысты. Мæздæджы нæм эстетикон гимнастикæйæ архайынц 120 адæймаджы. Ныридæгæн нæм ис 3 къорды. Уæрæсейы ерысты сæхи хорз равдыстой. Уыцы къæпхæны рагæй архайæм. Зæгъæм, мæнæ хистæртæ сты спорты дæснытæ. Кæстæртæ дæр ерысты фыццаг бынæттæ бацахсынц. Цымыдисаг у, ацы спортæй архайын алы кары адæймаджы бон дæр у. Кæй зæгъын æй хъæуы, спорты бæрзæндтæм тырнын алы хат нæ рауайы. Афтæ зæгъынц тренертæ дæр. Фæлæ эстетикон гимнастикæйæ архайын æхсызгон дæр вæййы. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv