Йæ ном æнустæм цæрдзæнис

Абон 80 азы сæххæст уыдаид Советон æмæ Уæрæсейы театр æмæ кинойы актер Уататы Бибойыл. Райгуырд 1939 азы Бæтæхъойыхъæуы. Каст фæцис Щукины номыл театралон училище, уæд йæ сæргъы лæууыд Юрий Любимов. Кинематографийы героикон æмæ эпикон рольты Бибо 50 сурæтæй фылдæр сарæзта æмæ ахъазыд. Уæрæсейы, уыимæ Цæгат Ирыстоны театралон аивады рæзтмæ стыр æвæрæн кæй бахаста, уый тыххæй йæ схорзæхджын кодтой алыхуызон хæрзиуджытæй. Ссис æгас паддзахады адæмон артисты номы аккаг. Хъыгагæн, не `хсæнæй фæхъуыд, йæ курдиат йæ тæмæны куы бацыд, уæд. Ныгæд ис Намысы Аллеяйы. Абон уырдæи æрбацыдысты Уататы Бибойы чи зыдта, йæ аивадæн ын стыр аргъ чи кæны, уыдон. Ирон драмон театры та Уататы Бибойы номарæн мадзæлттæй иу уыди - хи хуыз нывты равдыст. Бацæттæ йæ кодтой театры кусджытæ. Сæхæдæг куыд зæгъынц, афтæмæй Уататы Бибо цы стыр æвæрæн бахаста театры райрæзтмæ, уый у дæнцæгæн хæссинаг. Йæ кадæн ма абон Ирон театры сценайыл равдыстой спектакль «Чермен». 1970-æм азы Уататы Бибо йæхæдæг ахъазыд уыс сæйраг роль, æрмæст кинонывы. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv