Спортæй архайынæн - æппæт фадæттæ

«Сывæллæтты спорт». Ахæм сæргондимæ федералон проект æххæст кæнын райдыдта парти "Иугонд Уæрæсе". Ацы аз сæ зæрды ис бæлвырд хъæуты 6 скъолайы спортивон залтæ сцалцæг кæнын. Зæгъæм, иу мæйы размæ бавнæлдтой Фарныхъæуы скъолайы спортивон зал цалцæг кæнынмæ. Цыбыр рæстæгмæ дзы сфидар кодтой вентиляцион системæ, баивтой электрон тыхы телтæ æмæ хъармгæнæн хæтæлтæ, пъолтæ, рудзгуытæ. Спортзалы фарсмæ сарæзтой дзаумæттæ ивæн 2 агъуысты, ис дзы хинайæнтæ. Аразджытæ зæрдæ æвæрынц æппæт куыстытæ 1-æм сентябрьмæ фæуынæй. Ахуыргæнæндоны 140 скъоладзауы ис. Ныр сын физкультурæйы уроктæ уæлдай уарзон уыдзысты. Ахæм уавæрты ахуыр кæнын та æнцондæр æмæ цымыдисагдæр вæййы. Уæлдайдæр, спортмæ æмхиц чи у, уыдонæн. Партийы уæнгтæ сæ размæ æвæрынц хæс - сывæллæтты спортмæ разæнгард кæнын. Хъуамæ рæзгæ фæлтæр йæ рæстæг уæгъдæй ма `рвитой. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv