Дзæуджыхъæу цæттæ у Уæлахизы Бонмæ

Дзæуджыхъæу цæттæ у Уæлахизы Бонмæ. Уый тыххæй фехъусын кодта, горæты администрацийы сæргълæууæг Æлбегаты Барис. Абон йæхæдæг федта, Дзæуджыхъæуы бæрæгбоны мадзæлттæм куыд цæттæ кæнынц, уый. Фыццаджыдæр бабæрæг кодта Намысы мемориал æмæ Сабырдзинады проспект. Уым 9 майы ацæудзысты бæрæгбоны сæйраг мадзæлттæ. Администрацийæ куыд хъусын кæнынц, афтæмæй райсом 12 сахатыл фæткмæ гæсгæ Фыдыбæстæйы Стыр Хæсты чи бацарæфтыд, уыдоны цыртдзæвæнмæ æрбахæсдзысты дидинджытæ. Намысы мемориалы цур равæрдзысты Быдыры хæринæгтæ. Сæйраг мадзæлттæ арæзт уыдзысты 9-æм майы Сæрибары æмæ Сабырдзинады фæзтыл. 10 сахатыл райдайдзæн Уæрæсейы 58-æм æфсады Уæлахизы парад. Стæй, 11 сахатыл райдайдзæн "Æнæмæлгæ полчы" цыд. Культурон программæ сфидар кодтой. Ныридæгæн цæуынц цæттæгæнæн мадзæлттæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv