Æвзæрстытæм цæттæгæнæн куыст

9 сентябры æвзæрстыты чи архайдзæн, уыдонæн абон Центрон æвзарæн къамисы специалисттæ сарæзтой ахуыртæ. Сентябры фыццаг хуыцаубоны æгас Уæрæсейы æвзардзысты хъæуты, горæттыты администрациты сæргълæууджыты, æмæ муниципалон скондты депутатты. Ныридæгæн семинартæ уыдысты Цæгат Ирыстоны алы районты. 29 августы ма семинар сараздзысты Æрæфы районы. Абон та сæмбæлдысты Елхоты æвзарæн къамисты уæнгтимæ æмæ сын бацамыдтой раст куыд архаин хъæуын уый. Фембæлды архайдта Цæгат Ирыстоны центрон æвзарæны къамисы сæрдар Моргуаты Жаннæ. Специалистты ныхæстæм гæсгæ, ахæм фембæлдтытæ уымæй хорз сты æмæ куысджытæ æвзæрстытæм цæттæ вæййынц æмæ æвзарджыты фарстатæн сæ бон вæййы раст дзуапп радтын. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv