Фæсивæдæн сæ хуыздæртæ

Репетицийы бонтæ фæстæйы баззадысты. Ныр та æрхæццæ хуыздæрты схорзæхджын кæныны рæстæг. ЦИПУ-йы концертон зал цæхæр скалдта алыхуызон ахорæнтæй. Уымæн æмæ абон студенттæн, æцæгæйдæр, рæсугъд бæрæгбон у. Ерыстæ фесты, ныр та фæсивæд сæ размæ æвæрынц хæс - республикæйы кад дæлæмæ ма ‘руадзын. Уымæй хуыздæр та райгуырæн бæстæмæ уæлахизимæ æрыздæхын. Ацы чызджытæ сценæмæ кæй рацæудзысты, уый сæ уырнгæ дæр нæ кодта. ЦИПУ-йы фæсарæйнаг æвзæгты факультет студенткæтæ рахастой уынаффæ - ерыстæ кæй нæ архайдзысты, уый. Фæлæ сæ хъуыды аивтой æмæ равзæрстой раст фæндаг. Чызджытæ куыд зæгъынц афтæмæй, ацы кафт -сæхи тыххæй у, царды тыххæй. Ерыстæм сæхи мæймæ бацæттæ кодтой. Сæ номинации бацахстой фыццаг бынат. Нæ къухтыл афтæ хæцыдыстæм. Нæ нæ уырныдта, ацы къæпхæнмæ кæй рахиздзыстæм, уый. Зонгæ дæр æй нæ кодтам сценæйы кæй лæудзыстæм, уый. Зындзинæдтæ дæр нæм куыннæ уыди, фæлæ бафæрæзтам. Мæйы бæрц 1500 студентæй фылдæр сæ курдиат æвдыстой алы номинациты. Къæпхæнæй- къæпхæнмæ. Хуыздæрæй- хуыздæртæм. раздæр сæхи факультеты, стæй ахуыргæнæндоны иннæ факультетты хсæн, стæй та республикæйы. 7 уæлдæр ахуырдоны, 13 училищæйы æмæ техникумы. Сæ курдиæттæ æвдыстой 21 номинацимæ гæсгæ. Хи фыст зарæг, инструменталон æмæ вокалон зард, классикон зарджытæ, адæмон æмæ нырыккон кæфтытæ. Кастысты адæмæн уарзон Владимир Высоцкийы æмæм Расул Гамзатовы æмдзæвгæтæ. Алчи йæ зæрды тынгдæр бадары уæлахиздзауты схорзæхджын кæныны рæстæг. Абон æппæты хуыздæртæн сæ нæмттæ айхъуыстысты. Фыццаг къорды раззаг бынат райста Цæгат Ирыстоны паддзахадон университет, Фестивалы Гран-При та саккаг кодтой Хæххон-Металлургон институтæн. Фестивалы æппæуæрæсеон къæпхæн 15-20-æм маймæ уыдзæн Стъараполы. Студенттæ архайдзысты хуыздæры ном райсыныл æмæ Цæгат Ирыстоны кады ном дарддæр бæрзондæр сисыныл. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv