Ректоры фембæлд абитуриенттимæ

Цæгат Кавказы Хæххон-Металлургон институт йæ дуæрттæ байгом кодта абитуриенттæн. Ацы зæронд институты ахуыр кæнын кадджын æмæ цымыдисаг у. Абитуриенттæ сæ ныййарджытимæ байхъуыстой ахсджиаг лекцимæ. Цавæр фадæттæ дæтты ацы зонындзинæдты галуан, уый радзырдта ректоры хæстæ æххæстгæнæг Юрий Дмитрак. Уый фæнысан кодта, ам хъæздыг ахуырадон традицитæ æмæ аккаг къæпхæнтæ кæй ис. Абитуриенттæн ма сæ зæрдыл æрлæууын кодтой, сæ гæххæттытæ бадæттынæн сын рæстæг 1-æм февральмæ кæй ис, уый. Ныртæккæ уал ам цæуынц физикæйы лæвар курсытæ. Фæпайда сын уыдзысты профилон фæлварæны. Ахæм фембæлдтытæ ацæудзысты нæ республикæйы алы районы дæр. Институты сайты та ис уагæвæрдты фæдыл æххæст æрмæг документтæ бахæссыны тыххæй. «Ацы фембæлды нысан уый у, цæмæй ныййарджытæ хуыздæр базоной уæлдæр ахуыргæнæндæтты тыххæй. Æз, куыд ректоры хæстæ æххæстгæнæг, хъуыды кæнын ууыл, цæмæй нæм ацы аз фæзминаг абитуриенттæ æрбакъахдзæф кæной. Куыд зонæм, афтæмæй 1-æм февралмæ хъуамæ кæронбæттæны хатдзæгмæ `рцæуой. Уый тыххæй сæ ам æрæмбырд кодтон, цæмæй сын бамбарын кæнæм ацы азы хабæрттæ», - загъта и.о. ректора СКГМИ Юрий Дмитрак. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv